今晚要溫書，識溫嘅，左手右手一定要有返三五七包零食以備不時之需！無論你有無留意開韓國潮流，潮友都可能會聽過韓國最hit最潮嘅零食：蜂蜜牛油薯片！薯片一上架即刻9秒9被極速清架，供應商仲玩埋捆綁式銷售，啲人仍然買一箱一pack咁買....就算大家買到都唔捨得食，仲轉送俾偶像添，熱爆程度達1000%！ 神級蜂蜜牛油薯片，PND搶購失敗！不過就好好彩買到今年1月5號新推出嘅Honey Tong Tong！佢同蜂蜜牛油薯片並唔係同一品牌，但係包裝就有9成相似，網絡瘋傳，Honey Tong Tong脆片嘅味道比薯片更香濃！
試試佢先！拎起包Honey Tong Tong，有重量，唔會好似其他薯片咁賣氮氣😂 一開，果然成陣蜜糖味湧出嚟，好多塊Tong Tong喺裡面，有七八成full！食落去，除咗香甜，仲有陣濃郁嘅牛油味滲出；口感？脆，仲有脆，口感同外形都有少少似牛仔片！如果大家都仲係買唔到傳說中既蜂蜜牛油薯片嘅話，不妨買住呢包Tong Tong過下口癮先啦，洗完手，手指都仲有牛油餘香😳！
購自明洞樂天百貨既地庫超市，價格浮動，公價係1500，最近喺樂天買大約2500 （每人限購兩包）
**未必每分每刻有貨，睇下潮友你好唔好彩**😘 鳴謝PND韓國助手 cocoyuen0220
Search